La Jamaat Ahmadiyya Al-Mouslemeen représente ene Islam ki  vivant. C'est à dire, ene communauté de bannes croyants ki marche lor  pas du Saint Prophète Mohammad (pssl). Zotte faire bannes efforts pou   pratique la justice et le bien. Zotte  cultive l'amour et la sympathie pour bannes dimounes et zotte evite  tout bannes affaires ki mauvais. C’est ene communauté ki engage zotte  dans la recherche de l'amour d'Allah. Zotte essaye établir avec Li ene vraie relation, à tel point ki par So Grace Li manifester Li  à travers l'Esprit Saint (ruh-ul-quddus). Nou  envie  donne bannes dimounes  la bonne nouvelle que ene telle relation vivante li possible azordi pareil couma li ti possible dan le passé. C’est ça ki  Hazrat Mirza Ghulam Ahmad (as) le Messie Promis et Mahdi (1835-1908), fondateur de la Jamaat Ahmadiyya en Islam fine enseigne nou.

Depi l'année 2000, nous fine témoigne  à Maurice ene manifestation d’Allah par  la révélation ki implique ene deux  membres de la Jamaat Musulmane Ahmadiyya. Malgré le fait ki ça manifestation Allah la fine  rejeter par l'organisation Ahmadiyya internationale, li fine attire ene deux  membres ki fine brave tous bannes difficultés et zotte fine diboute  pour la justice et le plaisir de d’Allah. C'est coumsa ki la Jamaat Ahmadiyya Al-Mouslemeen fine prend naissance.

Jamaat Ahmadiyya Al-Mouslemeen ouler démontrer a tout bannes dimounes et surtout à le monde musulman ki zotte fine fer zotte du mal quand zotte fine rejette bannes enseignements de Hazrat Mirza Ghulam Ahmad de Qadian en tant que Messie Promis et Mahdi et ki ça bannes enseignements là  zotte indispensable  pour  réussir ene réforme spirituelle universelle. À  part ça nou envi fer nous bannes frères et sœurs de l'organisation Ahmadiyya comprend ki zotte fine néglige  applique certains aspects de ça bannes enseignements là. Et donc zotte bizin revoir interprétation ki habituer donner au concept  de la seconde manifestation (qoudrat sania) mentionné par Hazrat Ahmad (as). Zotte bizin fer de façon ki zotte bannes "certitudes" pas empêche zotte développement spirituel. Nou prier et nou garde l’espoir ki ene jour pa ene jour nou bannes frères de l’autre coté pou arriver à comprend ki li le sounnat d’Allah ki Li garde le privilège pou choisir celui ki Li envie pou rappelle bannes dimounes vers le droit chemin.   

Depi quelque temps  Hazrat Amir-ul-momineen Zafrullah Domun fine déclarer ki li ene Imam choisi par Allah avec instruction pou  prend en charge So Jamaat. Au moins 200 de so bannes sermons de Vendredi fine publier lor ça website là en Anglais. Petit à petit nou pou mette version créole de ça bannes sermons là. Nou pou aussi publier bannes les autres articles et livret pou ki tous bannes dimounes ki envie capave profiter. Incha Allah nou pou aussi publier bannes les autres écrits ki pou aide éclaircir et gagne nous bannes objectifs.